Давудидасан лъикIаб гIелмуги щун, хадув
гьев ана цIализе Хунук росулъе ХIажар-апандил вас ХIажихъе.
Гьел кIияздасаго хадуб ШугIайб-апандияс гIелму цIалана гьелго
гIадинал - Дагъистаналдаго жидер цIар рагIарал гIелмуги
гъваридал, гIамалги камилал гIалимзабазухъ: Багинуса ГIабдулагьихъ,
гьенисаго ГIумар-апандиясухъ (гьесул букIун буго 900 тIехь
жаниб бугеб, бечедаб жиндирго библиотекаги), ХIурухъа ГIабдулагь-апандиясухъ,
Рочиса Мама-Дибирасухъ ва гь.ц.
Гьездасан
лъикIаб гIелмуги щун Щахуралда къадилъун ва мударислъун,
хадув Щоралъул Жунайни росулъ дибирлъун хIалтIулеб мехалъ
ШугIайб-апанди жиндирго лъай дагьабги гьварид ва гIатIид
гьабизе кIвахI тун хIалтIана, тасавуфалъул (тIарикъат) гIелмуялде
жанивги лъугьана.
>>>>>
